Woh Bachpan

woh puraani si kitaab
tumhara intezaar karti hai
us diary jisme
tumne do saal
pehle likha tha
uske kaafi panne
abhi bhi khali hai

pukaar ti hai
woh galiyaan tujhe
jimne tune apni zindagi guzari
woh puaarna makaaan
woh chacha ki toffee ki dukaan
aaj bhi wahi hai

chacha ki umar hogayi hai ab
lekin unkio budi aankhein
aaj bhi tujhe
dekhengi toh khush ho jaengi

shayad tere aane se
us gali mai
thodi si bahar aajaegi

Shayad tu bhool chuka hai
bachpan ki woh
bhaag daud aur khel
cycle lekar galiyon ke chakkar katna
kone wali dukaan se
pahiyon mai hawa bharwana

shayad aaj tu bada aadmi ho chuka hai
gaadi mai ghumne wala
bade shehro mai rehne wala

lekin yaad rakh
mez par rakhi
woh puraani si kitaab
woh diary
woh toffee ki dukaan
chacha ki budi aanke
aur woh galiyare
tera aaj bhi intezaar dekhte hai
aaj bhi…..

-Jafar RehmanSnapseed!.JPG

Advertisements

Arse hue (Hindi Post)

Kabhi toh aao khayalo main
Yahan sunsaani aksar hojati hai
Kabhi toh aao aangan main hamare
Yahan dhoop aksar rehti hai
Na Jaane Kitne arse hue
Is tamanna ko
Ki aaye woh yaha
Zindagi yuhi guzri chali gayi
Na gayi sunsani
Na hi gayi yeh dhoop yaha se

-Jafar Rehman

Kahin

kya tum bhi
so gayi ho
jaise yeh raat
sogayi hai

ya fhir tum isi
chand ki tarah
abhi bhi jaagi ho

abhi bhi ho yahi
ya chali
gayi ho kahi

File_000 (2).jpeg

Tea Cup- Short story (hindi)

I came to the blog with the determination to write something and then I checked my last post. Guess what, it was on 20th of August, exactly a month ago. In that very post, I had mentioned about writing more frequently which I failed to do. A lot of reasons but let’s not get into that.

I am sharing something I recently wrote, it is in Hindi and is in raw form (not edited). So go ahead, read it and let me know what you think. (Source for photo)

pexels-photo-41135.jpeg

 

Aadha piya hua chai ka woh cup, mez par rakha tha, chai toh behraal thandi ho chuki thi lekin uska abhi tak koi pata nahi tha. Neeche se achanak kisine awaz lagai thi toh woh daudta hua chala gaya tha. Mujhe lagaa koi khaas azeez aaya hoga aur yahi sochte sochte mujhe kaafi waqt ho gaya lekin koi nahi aaya. Mann mai khayal sa aaya ki uth kar chala jaata hun lekin fhir yaad aaya ki ghar khali tha aur is tarah ghar khula chod jaana theek nahi hoga toh main wapis baith gaya.

Mann behlane ke liye kuch toh karna tha toh waha padhe akhbar ko lekar maine saalo baad khabre padhna shru kiya aur keval istehaar dekh kar woh bhi mez par patak diya. Akhbar se adhi chai ka cup gir gaya aur poori mez par chai fhail gayi. Maine socha lo, yahi baaki tha and yahi soch kar main safai main lag gaya. Itni hi der main ek mohtarma zeene se upar aagayi aur boli Chacha jaan ghar hai kya, maine bola nahi woh nahi hai aap batae kya kaam. Woh thodi der ruki aur fhir boli, aap hai kaun, pehle toh yaha nahi dekha. Chacha jaan ne yeh ghar bech toh nahi diya?
Jispar maine jaldi se kaha arre nahi chacha jaan gaye hue hai bahar main unke bete ka dost hun. Paan chabati hui woh mud kar wapis zeene se utar gayi. Utarte utarte boli ki unse kehdena ki Sakeena ayi thi. Maine zehen main dobara naam dohraha jisse ki main bhool na jaun.

Mujhe baithe hue kuch adha ghanta hua hoga aur ab mere intezaar ki intehaan aage badh chuki thi. Mujhe apne dost par behisaab gussa aa raha tha par main yeh bhi soch raha tha ki kuch galat na hua ho. Thodi der main andar ek kamre main rakhe telephone ki ghanti baji toh main uthane ke lye gaya. Phone uthaya toh……..

 

Garmi ka ek din

Hello again. I recently invested in a diary and now my aim is to put it to a good use. Today, I wrote a short story and a sher. Now you will have to wait for the sher because this post will have the story. Read it and let me know your views. 🙂

1234

Woh Shaam

I wrote this back in March this year. Enjoy reading it!

new doc 2017-05-07 22.17.27_1new doc 2017-05-07 22.17.27_2

Din dhal jae


Yeh subah subah meri kamre ki khidki ke bahar ka nazara hai. Aksar ise dekh kar kuch shayari, kahani ya koi poem likhno ko jee chahta hai par afsosan yeh ho na saka. Ek reluctance sa hai kuch dino se.
Behraal ek gaana bhi yaad aata hai. Kahi door jab din dhal jaye.
Sharing the song’s YouTube version for you. Aur haan ek na ek din main zaroor is photo par koi kahani ya fhir koi poem zaroor likhunga aur umeed hai aap yaha padhne ke liye zaroor honge 🙂

Song: https://g.co/kgs/S8t9Ca

Gunah

Tuhme tumhare gunahon
Ki saza zaroor milegi
Aur mujhe mere gunaho ki

Continue reading

Guzra hua ek din

Main school mai tha us samay, bachpan se hi mujhe din mai kuch waqt akele baithna pasand tha aur aksar dophar mai class ke baad mai akele baitha karta tha.

Hostel ke un dino main, ghar ki kaafi yaad aati thi, jaise dophar ko kabhi sogaya toh ghar ki yaad mai baaki din beet jaya karta tha. Ek class ki khidki se road ki side dikhta tha, us class ko hum Doon class kehte the. Waha aksar kuch bache khelte the, gaadiyan aati thi aur chali jaati. Main bas waha akela khidki ki taraf baith kar dekha karta tha.

Ab woh din chale gaye hai lekin tab lagta tha ki kab niklunga yaha se aur kab jaunga bahar. Pata nahi aaj kyun achanak mujhe woh din yaad aaya aur woh mere akele baith kar sochne ki adat bhi.

 

 

Waqt

Bahut ho chuka hai waqt
Yeh sochte hue ki aur
Log kya sochte honge mere baare mai

Dosto mere ab mujhe jeene do
Thoda sa mann se jeene do

Rehne do jaisa hun mai
Karne do jo lagta sahi hai mujhko

Bahut ho chuka hai waqt
Dosto mere ab mujhe jeene do